Godmor Knytte
Stiklestad-tonane: dikt 1961. Minne om jordfallet i Verdal 1893

Du samlar dei kjære småting du gjerne vil gøyme på; så ligg dei og held fast på dyre minne du ikkje vil gløyme tå. Du set dei på hegna hylle, du ber dei til benk og bord. Så talar dei trufast med togn på tunge eit mål som er meir enn ord. Her ser du ei seljesule med eldgamle håvåll-band. Slik knytte den sæle godmora mi ein gong med si unge hand. Den sula laut ut og segle ei øgjeleg redslenatt. Dei fann ho på restar av stabbursloftet; alt anna fanst ikkje att. Sjå her: Det er blåleir-klumpar på trådendom her og kvar. Dei nemner eitthundreogtolv som drukna i skreda som sula bar. Du stryk med så vare hender dei tinga som seier mest. Så legg du til brystet det kjæraste kjære den dagen ditt hjarte brest!

skrevet av Bjarne Slapgard

Bjarne Slapgard (født 11. november 1901 i Verdal - 25. desember 1997 i Levanger) var en norsk forfatter og folkehøgskole-lærer.

tonesatt av Abnescio

Abnescio ble utdanna ved universitetet i Trondheim. Og bor nå ved byen Molde. Og er barnebarn av Bjarne Slapgard.